OEBALIA duples fuit

OEBALIA duples fuit

Una quae et Laconia dicta fuit, ab Oebalo Argulii filio cognominata. Hinc Oebalius, Stat. Achill. 1. v. 20.

Solverat Oebalio classem di litore pastor

Dardanus. ————

Hinc Oebalides. Ovid. in Ibin, v. 588.

Quo puer Oebalides ictus ab orbe cadas.

I. e. Hyacinthus, qui Lacon fuit, ab Apolline disco interfectus Ovid. Fast. l. 5. v. 705. ubi de Castore et Polluce:

Effugere Oebalidae cursu potuêre sequentes.

Hinc Oebalis. Stat. l. 1. Sylv. 2. v. 151.

——— Queis purpura saepe

Oebalis, et Tyrii moderator livet aheni.

Altera vero in Italia iuxta Tarentum urbem. Virg. Georg. l. 4. v. 125.

Namque sub Oebaliae memini me turribus altis,

Quâ niger humectat flaventia culta Gelesus,

Corycium videre senem. ————

Est enim Galesus Calabriae fluv. Tarento proximus, teste Liviô. l. 25. c. 11. Hinc Oebaliae matres, quae Latinae nurus. Ovid. Fast. l. 3. v. 230.

——— Meas celebrare Calendas

Oebaliae matres non leve pondus habent.

Nic. Lloydius.